Skinkuostahorn

Setjið volgt vatn í skál og leysið gerið upp ásamt sykrinum. Leyfið blöndunni að standa í nokkrar mínútur þar til hún byrjar að freyða.

Bætið við olíu og salti út í gerblönduna. Bætið hveitinu við smátt og smátt og hnoðið vel þar til deigið er slétt og sleppir skálinni.

Breiðið viskastykki yfir skálina og látið deigið hefast á hlýjum stað í 1 klukkustund.

Á meðan deigið hefast, setjið smátt saxaða skinku, skinkumyrju og beikonost í skál og hrærið öllu vel saman.

Hitið ofninn í 200°C (eða 180°C með blæstri ef baka á tvær plötur í einu). Sláið loftið úr deiginu og skiptið því í 2 jafnar kúlur.

Fletjið eina deigkúlu í einu út í stóran hring. Smyrjið helmingnum af skinku- og ostablöndunni jafnt yfir allan deighringinn.

Skerið hringinn niður í þríhyrninga (eins og pizzusneiðar). Rúllið hverjum þríhyrningi upp frá breiðari endanum í átt að oddinum. Beygið endana aðeins inn til að mynda horn.

Raðið hornunum á bökunarplötur með bökunarpappír. Penslið létt yfir þau með eggi eða mjólk og stráið rifnum osti yfir. Bakið í 10-15 mínútur eða þar til hornin eru fallega gullinbrún.