Ljúffengir heimagerðir pizzasnúðar

Setjið hveiti, sykur, salt og þurrger í hrærivélaskál með deigkrók og blandið þurrefnunum létt saman.

Bætið volgu vatni og ólífuolíu út í skálina. Hnoðið í nokkrar mínútur þar til deigið verður slétt og meðfærilegt.

Penslið stóra skál að innan með smá matarolíu. Veltið deiginu upp úr olíunni, setjið plastfilmu eða rakt viskastykki yfir skálina og látið hefast á hlýjum stað í um 1 klukkustund.

Þegar líður á hefunartímann er gott að kveikja á ofninum og stilla á 200°C (undir- og yfirhita).

Fletjið deigið út á borði þar til það myndar um það bil 40x50 cm rétthyrning.

Smyrjið pizzusósu jafnt yfir deigið. Dreifið mozzarella, cheddar osti (og öðru áleggi ef vill) yfir sósuna og stráið að lokum oreganó yfir allt saman.

Rúllið deiginu þétt upp frá lengri hliðinni og skerið rúlluna niður í 20-24 jafnstóra snúða.

Raðið snúðunum á bökunarplötu með bökunarpappír með góðu millibili. Bakið í miðjum ofni í 18-20 mínútur eða þar til snúðarnir hafa tekið á sig fallega gylltan lit og osturinn er bráðinn.